Чорба со пченка и сланина

Не сме сигурни од каде точно потекнува овој рецепт, но го пробавме во повеќе наврати на нашите патувања низ Европа, а уживавме во можеби најубавата верзија во Холандија. Ова е густа чорба направена од вкусен зеленчук на која и даваме сладок и месест вкус со додавање на пченка и сланина како главни состојки.

Чекор 1: За овој рецепт не е потребна посебна подготовка, но сепак исечкајте ги разните состојки – компирите, лукот, кромидот и сланината. Оставете малку сланина и пченка на страна за преливот на крајот, а сите други состојки ставете ги во садот за експрес готвење и покријте го со капакот. Регулаторот ставете го на 1.

Чекор 2: Огнот вклучете го на најсилно и почекајте додека да се подигне црвениот индикатор и да се појави пареа. Потоа намалете го огнот на единица или на двојка и гответе го јадењето само 15 минути.

Чекор 3: Во меѓувреме, во мала тава испржете ги исечканата сланина и пченката додека да станат крцкави и заруменат. Нив ќе ги ставиме одозгора врз чорбата на крајот.

Чекор 4: Ослободете го притисокот од садот за експрес готвење и извадете го капакот за да го сервирате јадењето.

Ако сакате да додадете малку млеко и да ја изблендирате чорбата – слободно сторете го тоа во оваа фаза од подготовката. Ние одлучивме чорбата да ја оставиме со парченца од состојките.

За да ја сервирајте, сипете неколку црпалки во чинија и одозгора прелијте ја чорбата со слатките сокови и крцкавите заруменети парченца сланина и пченка. Малку исечкан магдонос ќе му даде свежина на готовото јадење.

СОВЕТ: Пресметавме дека ова јадење може лесно да се подготви за околу 25 минути. Забележавте дека компирот и другите состојки ги ставивме свежи и по само 15 минути беа омекнати и готови за јадење. Делимано садот за експрес готвење навистина Ви заштедува време и пари.