Манџа со џигер и сланина

Нѝ требаше подолго време да Ви понудиме рецепт со џигер, што е навистина чудно бидејќи многу го сакаме. Еве го и првиот таков рецепт. Манџа со џигер и сланина. Ова е прекрасно богато јадење со зеленчук и пилешка супа подготвено во Делимано експрес лонец.

Чекор 1: Време е за сечкање: Исечкајте ги морковите да изгледаат убаво, а кромидот излупете го и оставете ги главиците цели. Кромидот убаво изгледа во манџа кога е цел. Исечкајте го лукот, потоа и сланнината, и спремни сме за месото.

Чекор 2: Извалкајте ги џигерот и сланината во брашно со сол и бибер и пропржете ги во тава со маслиново масло за да ги задржат соковите – тоа секогаш ѝ дава дополнителен вкус и густина на манџата.

Чекор 3: Ставете ги сите состојки во експрес лонецот, вклучувајќи ги доматите од конзерва, зеленчукот, коцката за пилешка супа и ориганото. Оставете ги да се варат во експрес лонецот 20 минути. На крајот внимателно ослободете го притисокот од лонецот и извадете го капакот. Ќе видите прекрасна манџа која е спремна за јадење за само 30 минути.

Чекор 4: Ова јадење го сервираме врз основа од палента која ја подготвивме со путер и млеко. Палентата е одличен прилог за богати манџи со месо, но јадењето можете да го сервирате и со пире од компир.

СОВЕТ: Делимано Лонецот за Експрес готвење го намалува времето на подготовка најмалку за половина, а понекогаш и повеќе – подгответе јадење наутро, згответе го во Експрес лонецот кога ќе се вратите дома и ќе биде спремно за 20 до 30 минути.